حركات الشباب يوم المذاكرة

السلام عليكم ورحمة الله وبركاته


بس تخيلوا وأنتم تقرون

حركات الشباب ايام المذاكره ....


1- الثلاث وجبات الرئيسيه لابد منها ويقعد عليها قعده (خرعة الأمتحانات)
واحيانا يزيد وجبات اضافيه اذا كانت الماده دسمه. مثل الفيزياء والرياضيات


2- يقعد يسوي نفسه ملان وتعبان ويمشي عند امه ويقولها ياربييييي ماني قادر اذاكر مدري وش فيني حاس بكتمه .. الظاهر أحد صاكني بعين .. تقعد امه المسكينه تقرا عليه وترشه ماء مقري عليه....مسكينه الأم ماتدري أنه يتهرب من المذاكره

كل ها عشان اذا رسب يقولون ضاربينه بعين (انا ما اقولكم انه كل الي يسوون كذا يكذبون لان العين حق بس الغالبيه يخربونها زياده عن اللزوم ..)


3- بعضهم ينزل عليهم وسواس نظافه ايام الامتحانات يتسبح الصبح والليل وقبل كل صلاه وكل ما قالت له امه بكرة امتحانك ذاكر خلاص قالها يمه ان الله جميل يحب الجمال (وطبعا هالمثل ما جاء على باله الا وقت الامتحانات) ولا يطيح تلميع وتغسيل بالسياره وطبعا هذي من واجباته اليوميه


4- وبعضهم تنزل عليه صلة الرحم فجأه يقوم يكلم واحد من أقاربه الي من زمان ما كلمه .. يبي يشوف اذا ما عنده شي .. يمره بعد العصر يسلم عليه ويشوف وش صار عليه ويشغله عن المذاكره .. ويمر على جدته وجده وكل اهله يبداهم زياره من اول يوم لاخر يوم من الامتحانات وبعد الامتحانات (مسااااااااااااااافر في زمن النسيان)


5- وهذا المسكين اللي من قل الحيله الي يعور القلب لاقفلت معاه ... مسك المخده ونام لين ما تقومه امه الصبح ويقول يووووووه راحت عليه نومه


6- الي يأنبه ضميره ولازم يدخل المنتدى يشوف من رد على مواضيعه ومنو نزل موضوع جديد وما يلقى موضوع إلا ويرد عليه ولا ويطيح رسايل خاصه لكل الاعضاء الي فاقهم طبعا هم لهم شهور ما دخلو بس توه يحس انه افتقدهم


7- وشي نوع الي ما يصلووون و يقيمون صلاتهم في البيت... عاد ايام الامتحانات .. تقول الله هداهم والخمس صلوات كلها في المسجد .. وبعد الامتحانات يرجع شرات قبل وألعن


ههههههههههههههههههه طبعا كل هاااا عشان يشغل عمره عن المذاكره ...
:!: :?: :!: :?: :!: :?: :!: :?: :!: :?: :!: :?: :!: :?: :!: :?: :!: :lol:

شرايكم بالموضوع أعجبكم ههههههههههههههه :lol: