تجربتي في السفر
8) مره سافرنا كان عمري 16 سنه :oops: أنا وأخواني وبعض أقربائي لبلد ما يعرفون يتكلمون إنجليزي ولاعربي.
حبينا نتفلسف احنا يالصغار وكنت أنا أكبرهم أستأذنت من الوالدة نروح لبقالة جنب البيت اللي ماخذينه قالت خلاص روحو بس تبعدون قلنا خلاص :twisted: .
رحنا ركبنا عربة يجرها حصان ( حنطور ) قلنا بناخذ لفه وجلسنا وهو قاعد يدور فينا وماندري وين مودينا وقعدت أشرحله عربي موعربي هندي والرجال مدرعم وأبعدنا عن البيت وأنا خايفه ومسويه واثقه من نفسي قدام هالبزران .
آخر شي قلتله ستوب فيه أحد مايفهم ستوب مافهم ,،،،، أخذت منه العصا وضربته على راسه وقف العربة هذا الشي الوحيد الي فهمه قمت أصيح من الفرحة ونزلت ربعي من العربة قلت الحين يمشي هو خاف قالي بوليس قلتله حنا ناقصين مغثه وعطيته فلوسه وفرح مسكين وراح يركض بالعربة أثري عطيته كل فلوسي ومابقى معي شي قلت يالله ندقها رجل :sunny:
والبيت بعيد . يوم وصلنا البيت كانت الوالدة والوالد ينتضرون جيتنا وقالي الوالد عرفتي ترجعين البيت قلتله إيه وش دراك ؟
قال أنا قاعد الحقكم بالسيارة علشان إذا ضيعتو إنتي اللي برضها :cheers: من الطق لكن أحمدي ربك أنك صرتي فطينه ودليتي .
هاه وش رايكم بهالقصه والله صارت لي درس ماانساه صرت ماأروح ولاالحوش إلا مع أحدكبير. :cheers:
عسى مازهقتو
::: تحياتي يابناتي :::
( أم فراس )