شوفو البنات ايش صارو يكتبون على عباياتهم...؟؟

شوفو البنات ايش صارو يكتبون على عباياتهم...؟؟
________________________________________
يغمرني الأسى ويحز في نفسي أن أكتب لكم وأصف جريمة تقترفها الفتاة في حق نفسها......

الظاهرة التي انتشرت وبشكل فظيع وهي

كتابة عبارات سفيهه ومبتذله على عبايات النساء

منهم من تكتب على العباية

Follow me

أي إلحــــــــــق بي <<<< وكأن الناس مايفهمون باللغة

واللي تكتب إسمــــــــــــها وتزخرفه كانه نك نيم والا بطاقة جامعيه

واللي تخط حرفها بالخط العريض اللامع على ظهرها

واللي من كثر الإعتزاز بقبيلها تكتب

(اسم قبيلتها) وأفتخر

خلاص كل الناس تفتخر باصلها وبقبيلتها بس مالقيتى الا هالطريقة تتفاخرين فيها

والأدهــــــــــــــــــــى....

والأمــــــــــــــــــــــر....

واللي يصــــــــــــرع....

اللي تكتب لك

(( إذا في امك خير إلحقني ))

إما انها تهدد <<<< وكنها تقدر تطق

وأيضاً

البنت اللي كتبت عنها حتى الجرايد الخليجية

واللي كانت كاتبه على عبايتها

(( أتحــــــــــــــــــداك تلمسني ))

عرض صريح.......؟؟

ماناقص الا تكتب عليه.......

تخفيضـــات 50% على اللي يلمسنى

والي عباتها عليها صورة الملك عبد الله وسيفين ونخله ...

طبعاً بالألوان .......... !!

اذا انتي وطنيه لهدرجه سوي العبايه وخليها بالبيت ؟؟؟

أعـــــــــــــــزائي

القضية هنا ماتمس العادات والتقاليد فقط تمس الدين أيضاً.......

الظاهرة هذي نتاج شخصيات متقلقله تافهه غير واعية فاقدة للتمييز

شخصية يطلق عليها مايسمى بالإمعه........

فهي بدأت ومن ثم انتشرت

وكيف انتشرت.........؟؟

كل هذا نتيجة لسطحية التفكير وضعف الوازع الديني

وفقدان السيطرة على زمام الأمور وإيجاد حل للمشكلة بعقلانية وتروي وإنضباط

هذي نتيجة ........ ارخاء العصا وعدم مسكها من النص

ماهي الفتاة بدون عفه وحياء وشرف؟؟

وماهو الحجاب إن لم يكن يؤدي الغرض الذي شرع من أجله؟؟.....

السؤال...

اين اولياء الامور...اين الاب؟

...من اشترى تلك العباءة؟.... :(

هههههههه الله يخلف
وشوله الوحده تحترم نفسها في عبايتها
ولا احد يكلمها
يعطيك العافيه
ام داااانه

إنا لله و إنا إليه لراجعون هذي حال مجتمعنا وللأسف محد يقدر ينكر الحقيقه المره للمجتمع السعودي وهذي سبب من أسباب عدم هطول الأمطار علينا وغيرها الإسراف بالأكل ..إلخ

صدقتي يا أم دانه للأسف هذا حال الكثيرين ، وياويلك لو تقولين شئ ولا تنصحين ...

وإذا تكلمتي قالوا....

* ايه توها صغيره خليها تستانس قبل ماتتزوج .

* لاتصيرين معقده .

* وش نسوي نبي نلحق الموضه .

* انا ما أقصد اني الفت النظر .

* اصلاً العيب مو بالعباه العيب بالشباب اللي ماربوهم أهلهم .

ويطلعون أعذار من تحت الأرض مثل وجيههم بس علشان يرضون أفكارهم السخيفه والهابطه .

تسلمين على الموضوع الرائع ، وأرجو من الجميع المشاركه بالرأي .

*********************

ياعذبة الأطباع ردك ممتاز بس الضحكه مالها داعي الموضوع مؤسف وليس مضحك .

الحمد لله الذي عافانا مما ابتلى به الآخرين

في حديث أبي هريرة أن النبي صلى الله عليه وسلم قال: {لتتبعن سنن من كان قبلكم، حذو القذة بالقذة حتى لو دخلوا جحر ضب لدخلتموه}

يعنى السير خلف الجديد وهو من سير أهل الكفر للبعد عن الدين الإسلامي

قال صلى الله عليه وسلم (من تشبه بقوم فهو منهم)

مشكورهـ يا أم دانـــــه وجعل الله هذا الكلام في موازين أعمالك

انا لله وانا اليه راجعـــون..

فعلا يا s.cهذي الردود اللي نواجهها عندما ننكر عليهم لبس مثل هذه العبايات..
لكن ماذا نفعل؟؟؟ الغلط على الأهـــل أولا و أخيرا...

خل تنفعكم الموووضه

حسبنا الله ونعم الوكيل .... مشكوره على هالموضوع يا أم دانة . وإذا شافوك لابسة العباءه الساتره أطلقوا عليك من مسمياتهم معقدة , متخلفة , رجعية و قديمة !!!!!!
لكن مثل ماقال عليه الصلاة والسلام ( بدا الإسلام غريبا وسيعود غريبا كما بدأ فطوبى للغرباء )

مشكلة والله اللي يحسون في نقص . . .

يحسون في نقص لما يشوفون الناس يناظرون غيرهم (من المتخلفين) وهم لأ ...

يحسون ان ليش ما انا بعد يناظروني مثل ما يناظرونهم ... ويحاولون يتفننون بشتى الطرق ...

حولو العباية اللي هي القصد منها 100% هو الستر ولا شيء غير ذلك ... حولوها الى النقيض تماما

حولوها الى اداة للفت الانظار ... ما اقول الا الله يهديييهم .

وعندي تعليق بسيط على كلام الاخ العزيز يسوورة ... كلامك صحيح وهذا الشيء حاصل .. لكن مو كل شي تعلقونه على الغرب والتقليد للكفار... يعني بالله بنت حاطه على عبايتها صورة الملك ولا مطرزتها بعلم السعوديه ولا مطرزتها بأي الوان ملفته...

وش دخل الغرب ... هذا تفكيرها هي المتخلف وتفكير قريناتها اللي قلدتهم ... والغرب لو يشوفونهم تحمدو ربهم.

وتحياااتي لك اختي ام دندونه على طرح هذا الموضوع الملح حقيقة لأنه انتشر بشكل رهيييب

تحياتي للجميييع ,,,

الـ مجهـــــول

مبدعه كعادتك يا أم دانه ..

الموضوع باختصار تتحمله الأم واذا كانت تتصف بضعف الشخصيه تلجأ الى الأب لتغيير هذه العاده السيئه أما اذا كان الوالدين كلاهما مؤيدين ( فإذا كان رب البيت للدف ضارباً فشيمة أهل البيت الرقص ) فماذا نفعل نطق عليهم البيت نقولهم عقلوا بناتكم (خلناااااااااااااااااااولكم) >> هذه الكلمه كود تفهمها ام دانه والله اعلم